२८ चैत्र, सप्तरी। सप्तरीको बरही बिरपुर गाविसको गाउँ परिषद तथा बजेट सार्वजनिकीरकण कार्यक्रम शनिबार सम्पन्न भएको छ । गाविस सचिव तथा अध्यक्ष ओम प्रकाश ठाकुरको अध्यक्षता तथा ईलाका प्रहरी कार्यालय सखडाका इन्चार्ज राम नारायण यादवको प्रमुख आतिथ्यमा आयोजित सो गाउँ परिषदमा भुपु गाविस सचिव नन्दकिशोर यादव, संघिय विद्यार्थी फोरम नेपालका केन्द्रिय सदस्य एवं जिल्ला अध्यक्ष तारकेश्वर यादव, एमाओवादीका तेज नारायण यादव, सत्रुधन यादव, गाविसका सहायक प्राविधिक सिताराम राय सहितकाहरुले बरही बिरपुर गाविसलाई बिकास निर्माण कार्यलाई सबै जना मिलेर अगाडी बढाउनुपर्नेमा जोड दिनुभयो । यसैबिच सो गाउँ परिषदमा गाविस सचिव ठाकुरले आर्थिक वर्ष २०७०÷०७१ को ५२ लाख १२ हजार ३ सय ६३ रुपैयाँ ५९ पैसा, आव २०७२÷०७३ को ६४ लाख ३६ हजार ८ सय ४ रुपैयाँ ५९ पैसा र आव ०७३÷०७४ को ६५ लाख ४० हजार ७ सयको आय व्यय प्रस्तुत गर्नुभएको थियो ।

तपाईको प्रतिक्रिया