Narendra-Man-Shresthaअवकाश पाउन १० दिनमात्र बाँकी रहँदा सत्य निरूपण तथा मेलमिलाप आयोगका सचिव डा. नरेन्द्रमान श्रेष्ठ विदेश सयरमा निस्केका छन् । उनी नेतृत्वको आयोगको टोली आइतबार कम्बोडिया भ्रमणमा निस्केको हो । उक्त टोलीमा आयोगकै सह–सचिव राधाकृष्ण प्रधान र उपसचिव बलबहादुर अधिकारी छन् ।

 उक्त टोली कम्बोडियामा द्वन्द्वपछिको सत्य निरूपण तथा मेलमिलापसम्बन्धी कामको अध्ययन गर्न गएको हो । टोलीको नेतृत्वकर्ता श्रेष्ठ भने असार ७ मा सरकारी सेवाबाट अवकाश पाउँदै छन् । अवकाश लिने सचिवलाई गम्भिर विषय अध्ययन गर्न विदेश पठाएपछि आयोगमा असन्तुष्टि पैदा भएको छ। उक्त टोली असार ३ मा फर्कनेछ ।

‘सचिवले अवकाश पाउँदैछन्, उनले अब यहाँ काम गर्ने छैनन् भन्ने थाहा हुँदा–हुँदै सरकारी रकम खर्च गरेर विदेश पठाउनु मुलुकका लागि ठिक हुँदैन,’ आयोगका एक पदाधिकारीले भने । उनका अनुसार अवकाश पाउने सचिवभन्दा नयाँ आएको सचिवलाई पठाउदा राम्रो हुने थियो । आजको कान्तिपुर दैनिकमा खबर रहेकाे छ ।

तपाईको प्रतिक्रिया