एजेन्सी। दाइजो प्रथा अझै पनि समाजमा व्याप्त छ। दाइजो लिने अनि दिने प्रचलनले अनेकौं समस्या निम्तिने गर्छन्। एउटा यस्तै एक प्रकरण भारतको विहारमा सार्वजनिक भएको छ। माग पुरा नहुँदा पति अनि घरका अन्य सदस्यको मञ्जुरीमा देवरले भाउजुमाथी गरेको एक दुष्कर्मको घटना हो यो। घटना करिब एक हप्ता अघि को हो। घटनापछि पञ्चायतको दबाब बनाएर मुद्धा सल्टाउने प्रयास गरिएको समेत खुल्न आएको छ।

पञ्चायतबाट न्याय नपाएपछि पीडित मंगलबार बेलुका प्रहरीको शरणमा पुगिन अनि घटनाको विवरण छताछुल्ल भयो। पीडित महिलाले आफ्ना देवर रजनीश कुमार, पति अनि सासु-ससुरा गरी ४ जना विरुद्ध मुद्धा दर्ता गराएकी छिन्। देवर विरुद्ध बलात्कारको आरोप छ भने पति अनि सासु ससुराले घटनामा सहयोग गरेको र दाइजो नल्याएकोमा पीडा दिएको आरोप लगाएकी छिन्।

 पीडित महिलाको विवाह सन् २०१४ जुलाई २ मा भएको थियो। विवाह पश्चात ६ दिनसम्म उनी सामान्य झै पतिकै घरमा रहिन। त्यसपश्चात उनलाई माइत फर्काइयो। सर्त थियो कि ५ लाख रुपैयाँ पाएपछि मात्र घर आउन दिइनेछ। ६ डिसेम्बर २०१४ मा युवतीका बाबुले दुई लाख रुपैयाँ दिएपछि ससुरा लिन आए।करिब ढेड वर्ष पछि अर्थात ६ महिना अघि फेरी ३ लाख रुपैयाँको लागि उनलाई पीडा दिन सुरु गरियो। यो क्रममा युवतीले पति र पतिकी भाउजु बिच अवैध सम्बन्ध रहेको थाहा पाइन। उनले यो सम्बन्धको विरोध गरिन, उनी घरमै पिटिइन।

१ हप्ता अघि युवतीका देवर आए। युवतीका पति (आफ्नो दाई)संग ती देवरले एक्लै बसेर कुरा गरे। युवतीका पति घर बाहिर निस्के। सोही रात ती युवती आफ्नै देवरबाट बलात्कारको शिकार भइन। युवतीले आरोप लगाएकी छिन् कि आफुले सहयोगको लागि चिच्याउँदा पनि सासु-ससुरा चुपचाप बसे। नेपाली हेडलाइन्सकाे सहयाेगमा

तपाईको प्रतिक्रिया