११ जेष्ठ, अमर पासमान सिरहा। शिक्षकका प्रिय नेता तथा समाजसेवी सौखिलाल यादवको मङ्गलवार सांझ असामयिक निधन भएको छ।
सिरहा सदरमुकाम स्थित लक्ष्मिनारायण प्राविका प्रधानाध्यापक यादवको मंगलवार सांझ ८ बजे ब्रेन ह्याम्रेजका कारण मृत्यु भएको परिवारजनले जनाएको छ ।

सिरहा नगरपालिका ९ ठेंगहिका ५६ वर्षिय यादवको बुधवार बिहान घर नजिकैको मैनावती नदिमा अन्त्येष्टि गरिएको छ। यादवको दुई छोरा र एक छोरी रहेका छन । यादवको मृत्युको खबरले बुधवार सिरहा शोकमय भएको थियो। मृतक यादवको सम्मानमा चन्द्र मावी, ब्रझ मावी,सारस्वर मावी,वालमन्दिर मावी, प्रावी गुलरिया लगायतका विद्यालयले बुधबार विद्यालयमा शोक सभाको आयोजना गरि श्रद्धान्जली अर्पण गरेका छन ।

शिक्षक यादवको निधनप्रती सिरहाका शिक्षा अधिकारी अरविन्दलाल कर्ण,अभिभावक संघका अध्यक्ष धिरेन्द्र साह, शिक्षक संघका अध्यक्ष मनोज यादव , अधिवक्ता संघका सचिव बिरेन्द्र यादव, बि नि भवानी कट्टेल, स्रोतब्यक्ती कासिन्दर यादव ,शिक्षक संगठनका संस्थापक अध्यक्ष बेचु साह, शिक्षक संगठनका अध्यक्ष शिवनन्दन यादव, शिक्षक क्रान्तिकारिका अध्यक्ष शिवराज यादवले समबेदना प्रकट गरेका छन ।यादवको सम्मानको लागि शिक्षकका पेसागत संघ ,संगठनले १४ गते आइतवार जिल्लाभरिका विद्यालयमा शोक सभा गर्ने घोषणा गरेको छ ।

२०३८ सालमा उदयपुरको प्रावी लेखानिपोखरिबाट स्थायी सेवामा प्रवेश गरेका यादव २०३९ सालमा सिरहाको प्रावी ठेगहिमा सरुवा भै आएका थिए ।त्यसपछी यादव हालसम्म लक्ष्मिनारायण प्राविमा कार्यरत थिए । जागिरे अबधिमा नेपाल रास्ट्रीय शिक्षक संगठन सिरहाका सचिव,सगरमाथा अञ्चल स्मन्वय समितिका सचिब हुँदै संगठनका केन्द्रिय प्रतिनिधिसमेत भै सकेका थिए ।

शिक्षक यादवले संगठन भित्र गुटबन्दी हावी भएको भन्दै नेतृत्व प्रती आरोप लगाउदै २०७० सालमा आफ्नै अध्यक्षतामा संगठनका समानान्तरण समिती गठन गरेका थिए । नेकपा एमालेका सकृय कार्यकर्ता यादव पार्टि भित्रको गुट उप गुटले पनि आफुहरुलाइ समानान्तर समिती गठनका लागि बाध्य बनाएको यादव बताउथे।

तर एमाले पार्टिमा डा नवीन यादवको प्रवेश कार्यक्रममा सहभागी भएका यादव सिरहामा एमालेलाई बलियो बनाउन संगठनलाई एकजुटको आवस्यक्ता महसुस भएको बताएको स्रोतले बतायो।संगठन भित्रको विवाद मिलाउन पार्टी प्रयासरत रहेको अबस्थामा यादवको निधन भएको एमालेका युवा नेता यादवले बताए।

तपाईको प्रतिक्रिया