yesto-pani4-660x330

एजेन्सी/ छोराको बिहेमा बुबाको तुजुक कस्तो हुन्छ, थाहै छ । तर, चीनको एक गाउँमा यस्तो संस्कार छ, जहाँ छोराको बिहेको दिन बुबाको बेहाल हुन्छ । दुलहा छोरा कारभित्र बस्छन्, बुबा भने आफ्नो शरीरमा डोरी बाँधेर छोरा बसेको कार जोडले तान्छन् । चिनियाँ वेभसाइट सांघाइस्ट डटकमले फोटो सार्वजनिक गरेपछि भाइरल भएको छ । चीनमा सोसल मिडियामा यो खबरबारे विभिन्न प्रतिक्रिया पनि आएका छन् । वेभसाइटका अनुसार चीनको हेनान प्रान्तमा बसोबास गर्ने एउटा समाजमा यस्तो वैवाहिक परम्परा छ । दुलहाका बुबाले शरीरको माथिल्लो भागमा कुनै कपडा लगाउँदैनन् । बुबासँगै दुलहाकी आमा पनि त्यहाँ हुन्छिन् । तस्बिरमा बिहे हेर्नेहरूको भीड देखिन्छ भने सबै रमाइरहेका देखिन्छन् । दुलहाका बुबाको पिठ्युँ र छातीमा टाटुजस्तो चिह्न देखिन्छ । त्यहाँको संस्कारअनुसार यसको मतलब रहेछ, बुबाले छोराबाट जतिसक्दो चाँडो नातिको अपेक्षा गरेका छन् ।

तपाईको प्रतिक्रिया