yesto-pani7-660x330

एजेन्सी/ प्राय: महिलाहरू कपाल निकै छोटो बनाउनुभन्दा केही लामै पाल्न रुचाउँछन् । यदि तपाईं पनि महिला हुनुहुन्छ भने कपाल कति लामो पाल्नुभएको छ ? सायद, तपाईंको कपाल यति लामो छैन, जुन कपालबारे खबर पढेर तपाईं अचम्मित हुनुहुनेछ । चीनको गुआंग्झी प्रान्तको हुआन्गुलो गाउँका लगभग ८० महिलाको कपाल एक दशमलव चार मिटरदेखि दुई दशमलव दुई मिटर लामो छ । यहाँका महिलाको कपालकै कारण यस गाउँको चर्चा दुनियाँभर पुगेको छ । यिनै महिलाको लामो कपाल हेर्नकै लागि हरेक वर्ष करिब ८० हजार पर्यटक हुआन्गुलो पुग्ने गर्छन् । लामो कपाल भएका यी महिला धेरैजसो रातो कपडामा देखिने भएकाले यिनीहरूलाई ‘रेड याओ’समेत भन्ने गरिन्छ । उनीहरू आफ्नो लामो कपालप्रति गर्व गर्छन् । लामो कपालकै कारण यो गाउँले गिनिज वल्र्ड रेकर्डमा नाम लेखाइसकेको छ । हुआन्गुलो प्रकृतिले समेत उत्तिकै हराभरा छ । सन् १९८७ भन्दा पहिले यहाँका महिलाको लामो कपाल उनका श्रीमान् र बच्चाबाहेक अरू कसैले देख्न पाउँदैनथे । उनीहरू नुहाउन नदीमा जाँदासमेत नीलो पछ्यौराले कपाल छोप्ने गर्थे । तर, पछि यो पुरानो परम्परा तोडियो । उनीहरू आफ्नो लामो कपाल देखाएर निष्फिक्री बाहिर हिँड्न थाले ।

तपाईको प्रतिक्रिया