bus-aagjani-430x316

सिरहाको लहान नगरपालिका १ मा राजमार्ग छेउमा पार्किंग गरी राखिएको दुई वटा गाडीमा अज्ञात समूहले राति करिब ११ बजे आगजनी गरेका छन् । बस व्यवसायी संघका जिल्ला अध्यक्ष हरिनारायण यादबको घर अगाडी पार्किंग गरि राखिएको ग. १ च. ९६३७ नम्बरको कार र ना. ५ ख. ८४७९ नम्बरको गाईघाट बिराटनगर चल्ने दुर्गा भगवती ट्राभल्स बसमा आगजनी भएको छ। राति गाडीमा दनदनी आगो बलेको देखेपछि नियन्त्रणमा लिने प्रयास गरेपनि पूर्ण रुपमा जलेको पीडित अध्यक्षयादबले बताउनुभयो ।गाडीमा आगजी कसले गरेको विषयमा प्रहरी पनि अनभिज्ञ नै छन् । यसै बीच ईलाका प्रहरी कार्यालय लहानका प्रहरी नायब उपरीक्षक राम केसीले पार्किंग गरेर राखिएको अवस्थामा बस र कारमा कसले आगजनी गरेको विषयमा केही नखुलेको बताउनुभयो । उहाँले घटनाबारे अनुसन्धान भईरहेको जानकारी दिनुभयो । आगोका कारण घरको शिशाहरु पनि फुटेका छन् ।

bus_agjani2-430x316 aagjani-430x316

तपाईको प्रतिक्रिया