aamirkhan-dangal759

कुनै समय यस्तो लागेको थियो कि अब असहिष्णुताको मुद्दा बिस्तारै सेलाउँदै जानेछ । तर, फिल्म स्टार आमिर खानको बयानपपछि अहिले फेरि यो मुद्दा भारतमा बहसको विषय बनेको छ । पश्चिमा जगत्ले आतंकवाद र इस्लाम धर्मलाई एकसाथ जोडेर प्रचार गरिरहेको अवस्थामा आमिरको यो भनाई सार्वजनिक भएको छ । पेरिस र मालीमा भएको चरमपन्थी नरसंहारपछि भारत मात्रै नभएर थुप्रै युरोपेली देशमा पनि मुसलमान र इस्लामको भूमिकालाई लिएर बहस सुरु भएको छ । इस्लामको नाममा इस्लामिक स्टेट, अलकायदा, बोको हराम नामका थुप्रै चरमपन्थी संगठनको उदय र त्यस्ता उग्रवादी संगठनको माध्यमबाट संसारका विभिन्न भागमा भइरहेका नरसंहार र हत्यापछि अहिले भारतका मुसलमानको दिमागमा समेत डरले डेरा जमाएको छ । भारतको इतिहासमा मुसलमानका विभिन्न संस्था तथा समूदाय र एक हजारभन्दा धेरै धार्मिक नेता तथा विद्धानले आईएसको विरुद्धमा उभिएको घोषणा गरेको यो सायद पहिलो अवसर हो । यस घोषणामा भनिएको छ , इस्लाम हरेक प्रकारका हिंसाको विरोधमा छ । जबकी आईएस हिंसाको दोषी हो । यो अभियान थुप्रै महिनापछि पुरै देशमा सञ्चालन गरिएको छ । १५ बुदेँ यो घोषणालाई संयुक्त राष्टसंघका महासचिव वान की मून र संसारका अन्य नेता समक्ष बुझाइएको छ । पत्रमा लेखिएको छ , इस्लाम हरेक प्रकारले जूनसुकै उद्देश्य राख्ने उग्रवादीको विरोधमा छ । यस घोषणामा भारतमा १६ करोड मुसलमान हिंसामा विश्वास राख्दैनन् भन्ने स्पष्ट लेखिएको छ । भारतका मुसलमान यस समय दोहोरो दबाबबाट गुज्र्रिका छन् । एकातर्फ लेबनान, पेरिस र माली जस्ता देशमा घटेका हिंसात्मक घटना र अर्कोतर्फ आईएस, बोको हराम र अल शबाब जस्ता सुन्नी चरमपन्थी संगठनको उदयले धार्मिक क्षेत्रमा ल्याएको निराशा र अर्कोतर्फ देशभित्रकै उग्रवादी हिन्दू कट्टरपन्थीको निशाना । भारतमा हिन्दू विचारधारा राख्ने संगठनहरुले मुसलमानको विरुद्धमा घृणाको एक व्यवस्थित आन्दोलन चलाएका छन् ।

तपाईको प्रतिक्रिया