२९ पौष, अनिल श्रेष्ठ विराटनगर । विराटनगरकी एक महिलाको ८२ हजार रुपैयाँ लुटेर फरार भएको लुटेरालाई जिल्ला प्रहरी कार्यालय मोरङबाट खटिएका प्रहरीले एक घण्टामा पक्राउ गर्न सफल भएको छ । विराटनगर– ८ की हरिप्रिया नेपालको साइकलको डिक्कीमा राखेको ब्यागसहित नगद शुक्रबार दिउँसो २ बजे विराटनगरको सोमबारेहाटमा मोटसाइकलमा आएका दुई जना लुटेराले लुटेर फारर भएका थिए ।

लुटिने बितिकै मोरङ प्रहरीलाई उनले फोनबाट मौखिक जानकारी गराएकी थिइन् । मोरङ प्रहरीले तत्काल मोरङका प्रहरी निरीक्षक सुवास भट्टराई, प्रहरी हल्दार भक्तबहादुर विष्टसमेतको टोलीले विराटनगर – ५ जामुनगाछीबाट लुटेरा शुक्रबार दिउँसो तीनबजे पक्राउ परेका हुन् ।
यसरी पक्राउ पर्नेमा सुनसरी बर्जु गाउँपालिकाका १६ वर्षिय देवा मण्डल, सोही ठाउँका २१ वर्षिय अजय मण्डल पक्राउ परेका मोरङका प्रहरी उपरीक्षक विष्णुहरी कोइरालाले जानकारी दिए ।

नगद लुटेर फरार भएका लुटेरा सुनसरीतर्फ भाग्दैगर्दा प्रहरीको फन्दामा परेका हुन् । लुटेराले लुटन प्रयोग गरेको मोटरसाइकलसमेत चोरीको रहेको पाइको छ,’ मोरङका डियसपी कोइरालाले भने, ‘उनीहरुसँग थप अनुसन्धना भइरहेको छ ।’ यस अघि पनि यी लुटेरबाट थुप्रै मानिस लुटिएको बताइएको छ । पक्राउ परेका अभियुक्तलाई चोरी तथा लुटपाट अन्तर्गत मुद्दा चलाइने मोरङ प्रहरीले जनाएको छ । हालसम्म मोरङमा जतिपनि अपराधि क्रियाकलमा संलग्नलाई पक्राउ गर्न मोरङ प्रहरी सफल भएको देखिन्छ । यस्तो घटनामा पक्राउ गर्न मोरङ प्रहरीले सादा पोशमा खटिएका प्रहरी परिचालन गर्ने गरेको छ ।

तपाईको प्रतिक्रिया