Oslo_Norwey-768x461

ओश्लो, २४ मंसिर-विश्वको एक प्रसिद्ध र प्रतिष्ठित मानिएको नोवेल शान्ति पुरस्कार बिहीबार नर्वेको राजधानी ओश्लोमा वितरण गरिँदै छ । ओश्लोमा सो पुरस्कार वितरणका लागि विशेष समारोहको आयोजना गरिएको छ । ट्युनिसियाका चारवटा संस्थालाई सो पुरस्कार प्रदान गरिएको घोषणा यसअघि नै भइसकेको छ । ती संस्थाले ट्युनिसियाको सङ्क्रमणकालीन राज्य व्यस्थालाई व्यवस्थित गरी प्रजातान्त्रिक शासनका रुपमा स्थापित गर्ने कार्यमा सहयोग पु¥याएका थिए । उनीहरुको यो प्रयासको अनुशरण मध्यपूर्वी दुई देश सिरिया र लिबियामा पनि हुन सक्ने अपेक्षाका साथ ती संस्थालाई पुरस्कृत गरिएको बताएका थिए । सिरिया र लिबियामा पनि सन् २०११ मा ट्युनिसियामा जस्तै आन्दोलन सुरु भएको थियो । तर प्रजातान्त्रिक शासनको अवस्था यी दुई देशमा भने देखिँदैन । टुनिसियाली मानवअधिकार समूहका प्रमुख अब्देस्तर बिन मौसाले नर्वेको राजधानी ओश्लोमा भने– हतियार कहिल्यै पनि समाधान होइन र जस्तोसुकै अवस्थामा पनि वार्ताको विकल्प छैन । उक्त मानवअधिकारवादी समूह पनि नोवेल पुरस्कारबाट पु्रस्कृत हुने संस्थामध्येको एक हो । उनले भने– रगत या लडाकू यी कुनैपनि समाधानका साधन होइनन् । ओश्लोमा बिहीबार मध्यान्हमा सो पुरस्कार वितरण समारोहको आयोजना गरिएको छ । नर्वेका राजा ह्यारोल्ड तथा विश्वका प्रतिष्ठित व्यक्तित्वहरुको उपस्थितिमा सो पुरस्कार वितरण गरिने छ । नोवेल कमिटीले सो पुरस्कार वितवरणको कार्यक्रमको भव्य तयारी गरेको बताइएको छ । पुरस्कार ग्रहण गर्नका लागि ती चारैवटा संस्था ओश्लो पुगेका छन् । तीन महिना अगावै घोषणा गरिने सो पुरस्कारको वितरण हरेक वर्ष विश्व मानवअधिकार दिवस, डिसेम्बर १० का दिन, अर्थात आजै वितरण गर्ने गरिन्छ ।काठमांडुटुडेबाट

तपाईको प्रतिक्रिया