- अमर काफ्ले

सुनसरीको इनरुवामा आगो लगाई तीन जनाको हत्या प्रयास गरिएको घटना सार्वजनिक भएको छ । ।  इनरुवाको वडा नम्बर ८ मा एकै परिवारका तीन जनालाई सुतिरहेको अवस्थामा हत्या प्रयास भएको हो ।

इनरुवा ८ डुम्राहामा सियाराम उराँवले सुतिरहेको अवस्थामा श्रीमती सहित दुई छोरीको आगो लगाई हत्या प्रयास गरेका हुन् । घाइते कमलाकुमारीलाई उद्धृत गर्दै उनको माइती पक्षको जानकारी अनुसार सियारामले सुतेको अवस्थामा श्रीमती र छोरीहरुको शरीरमा पेट्रोल छर्केर आगो लगाएका थिए । आगोले जलेर कमलाकुमारी सहित ७ वर्षकी प्रतिक्षा र ४ वर्षिया प्रतिज्ञा घाइते भएका छन् ।आमा कमलाकुमारीले हारगुहार गरेपछि गाउँलेहरुले घाइतेहरुको उद्दार गरी इनरुवा अस्पताल पु¥याएका थिए । प्रहरीका अनुसार थप उपचारकालागि उनीहरुलाई कोशी अञ्चल अस्पताल बिराटनगर पठाइएको छ ।

आगोका कारण आमाछोरीको शरीरका विभिन्न भाग जलेको सुनसरी प्रहरीले जनाएको छ । आगो लगाई फरार रहेका सियारामको खोजी भैरहेको सुनसरी प्रहरीले जनाएको छ । गाउँलेका अनुसार अघिल्लो दिन सो परिवारमा घरायसी झैझगडा भएको थियो । घटना बिहीबार रातीको भएको बताइएपनि लक डाउनका कारण खबर ढिलागरी बाहिरिएको हो । माइती पक्षको उजुरी पश्चात मात्रै हत्या प्रयासको घटना सार्वजनिक भएको हो ।

इनरुवा ८ का वडाध्यक्ष रविन्द्र मण्डलका अनुसार छोरीहरुको अवस्था सामान्य रहेपनि आमाको अवस्था भने गम्भिर रहेको छ । वडा र वडावासीले रकम संकलन गरी उपचार खर्चमा सहयोग गर्दै आएको मण्डलले बताए । मण्डलका अनुसार घटनाको दिन सियाराम सँगै रहेका अर्का व्यक्तिलाई सोधपुछका लागि प्रहरीले नियन्त्रणमा लिई छाडेको छ । सुनसरी प्रहरीले भने अनुसन्धान जारी रहेको बताएको छ । प्रहरीले घरमा आगो लागेको भनि खबर प्राप्त भएको र पछि तीनजना सो घटनामा जलेको अवस्थामा पाइएको जनाएको छ । उसले घटनाको विस्तृत अनुसन्धान भैरहेको जनाएको छ । जाहेरी पश्चात सियारामको खोजी तिव्र पारिएको प्रहरीको भनाई छ ।

सुरक्षाका पोशाक सहित स्वास्थ्यकर्मी, मेयर मेहताले भनेः नगर भित्रका गोरेटो बाटो समेत बन्द गर्ने

सुरक्षाका पोशाक सहित स्वास्थ्यकर्मी, मेयर मेहताले भनेः नगर भित्रका गोरेटो बाटो समेत बन्द गर्ने

Gepostet von Inaruwa Online am Samstag, 28. März 2020

नगरको भित्रि भागमा वास्ता गर्दैन्न “होम क्वारेन्टाईन”

हामीलाई प्राप्त भिडियो अनुसार इनरुवा नगरपालिकाको वडा नं. १ र ३ को बिच भागको खालि चौरमा लकडाउनको वास्ता नगरी महिलाहरुको गफगाफ चल्दै गरेको तथा बालबालिका तथा वयस्कहरु खेल्दै गरेको देख्न सकिन्छ। यस गतिविधिले प्रष्ट बुझ्नसकिन्छ कि नेपाल लगायत विश्वभरि फैलिएको कोरोना भाईरसको त्रासले यस भिडियोमा भएका व्याक्तिहरुलाई छोएको छैन। सरकारले जनतालाई कोरोना भाईरसको संक्रमणबाट बच्न घन्काउदै आएको “होम क्वारेन्टाईन” नारालाई यस भिडियोमा सिधै वेवास्ता गरेको देखिन्छ।

Gepostet von Inaruwa Online am Donnerstag, 26. März 2020

तपाईको प्रतिक्रिया