Nepal-Prahari

वीरगंज, १८ कार्तिक । सोमबार वीरगंज नाकामा प्रहरीको गोलीले एक भारतीय युवकको मृत्यु भएपछि वीरगंजमा लगाइएको अनिश्चितकालिन कर्फयू बुधबार पनि जारी छ । जिल्ला प्रशासन कार्यालय पर्साले बुधबार पनि कर्फयू जारी रहेको जनाएको छ ।

यसैबीच प्रहरी मुख्यालयले सीमा क्षेत्रमा खटिएका सुरक्षाकर्मीलाई अधिकतम संयमता अपनाउन निर्देशन दिएको छ । सीमामा रहेका आन्दोलनकारीलाई निस्तेज पार्न अग्रपंक्तिमा रहने नेपाल प्रहरीले अपनाउने कार्यविधिले भारत नेपाल सम्बन्धलाई समेत प्रभाव पार्ने भएकाले संयमित भएर कार्यविधि अपनाउन सीमा क्षेत्रका प्रहरी प्रमुखलाई निर्देशन दिइएको हो ।

सोमबार गृहमन्त्री शक्तिबहादुर बस्नेत र प्रहरी महानिरीक्षक उपेन्द्रकान्त अर्यालबीच भएको छलफलपछि यस्तो निर्देशन दिइएको हो।

सोमबार वीरगंज नाकामा प्रहरीले चलाएको गोली लागि भारतीय युवक आशिष कुमार रामको मृत्यु भएको थियो ।हुलाकिन्युजबाट

तपाईको प्रतिक्रिया