sams

मंसिर १४ -नेपालका लागि बंगलादेशकी राजदूत मास्की बिन्ते साम्सले नेपालले अन्य बाहिरी देशबाट इन्धन र ग्यास ल्याए ‘ट्रान्जिट’को रुपमा बन्दरगाह उपलब्ध गराउन बंगलादेश तयार रहेको बतउनुभएको छ ।राजधानीको रिपोटर्स क्लवमा आज आयोजित साक्षात्कारमा राजदुत साम्सले नेपाललाई मंगला र चिटगाँउ बन्दरगाह प्रयोग गर्न दिने स्पष्ट गर्नुभएको हो ।उहाँले नेपाली ढुवानी साधनहरु निर्वाध रुपमा बंगलादेश जान पाउने भए पनि बंगलादेशी ट्रकहरु नेपाल आउन नपाउने भन्दै तत्काल मोटर भेईकल एग्रिमेन्ट गर्नु पर्ने आवश्यकता औंल्याउनुभयो । रोहनपुर सिहबाद र राधिकापुरसम्म रेल सेवा समेत रहेकोले त्यहाँबाट पनि आयात निर्यातको काम गर्न सकिने उहाँको भनाइ छ ।राजदूत साम्सले हवाई इन्धनको कारोबारका लागि नेपालले गरेको आग्रहप्रति आफूहरु सकारात्मक रहेको स्पस्ट पार्नुभएको छ ।सन् १९७१को बंगलादेश स्वतन्त्रता आन्दोलनमा नेपालले नैतिक र भौतिक सहयोग गरेको स्मरण गर्दै बंगलादेशले पनि नेपालमा महाभूकम्पपछि तत्कालै खाद्यान्न, मेडिकल टिम, औषधीसहित १२ मिलियन डलरको सहयोग गरेको जानकारी दिनुभयो ।

तपाईको प्रतिक्रिया