काँकडभिट्टा, १८ माघ । भारतको पानीट्यांकी भन्सार परिसर र राजमार्गमा यतिबेला नाकाबन्दीको समयमा जस्तै कन्टेनर र ट्रकहरुको लाम लागेको छ।पानीट्यांकीदेखि नक्सलबारीसम्म करिब चार किलोमिटर दूरीमा ४ सय हाराहारीमा मालबाहक कन्टेनर तथा ट्रक छन्।

भारतीय भन्सारले गाडी पास गर्न गरेको ढिलासुस्तीले यस्तो अवस्था आएको नेपाली आयातकर्ता तथा भन्सार एजेन्टहरुको भनाइ छ।आयातकर्ता दिलीप तिमिसनाले भने, ट्रक र कन्टेनरको लाम देख्दा नाकाबन्दीको झल्को आउँछ। यतिबेला नेपाल आउने मालबाहक ट्रक तथा कन्टेनरले सास्तीचाहीँ मज्जाले व्यहोर्नु परिरहेको छ। आजको कान्तिपुर दैनिकले खबर छापेको छ।

तपाईको प्रतिक्रिया