२ फाल्गुन, सुखिलाल चौधरी उदयपुर। उदयपुरमा पछिलो समय ट्राफिक प्रहरीले  सक्रियता बढाएसंगै मंगलबार चोरीको मोटर साइकल सहित एक युवालाई पक्राउ गरेको छ ।जिल्लाको बेलका नगरपालिकामा नियमित चेकजाँचको क्रममा ट्राफिक प्रहरीले  पक्राउ पर्नेमा जिल्लाको चौदण्डीगढी नगरपालिका–८ सिद्धिपुर का २४ बर्षिय सन्तोष राई रहेका छन् । पक्राउ परेका राईको साथबाट बा.४४ प १९९८ नम्बरको चोरीको पल्सर मोटरसाईकल सहित किर्ते सवारी चालक अनुमति पत्र र किर्ते सवारी दर्ता किताब समेत बरामद गरिएको अस्थायी ट्राफिक प्रहरी कार्यालय रामपुर ठोक्सिलाका इन्चार्ज गोबिन्द पौडेलले बताए ।

तपाईको प्रतिक्रिया