Koirala-Oli-Prachanda-2काठमाडौं, १६ पुस। कांग्रेस, एमाओवादी र मधेसी मोर्चाबीच भने ११ पुसमा वार्ता भएको थियो । तीन पार्टीबीच संसद्मा प्रस्तुत संविधान संशोधन विधेयक सबैलाई मान्य हुने गरी परिमार्जन गर्न एउटा समिति बनाउने सहमति भएको थियो । १२ पुसमा एमालेसँग समेत सल्लाह गरेर समिति गठन गर्ने तीन पार्टीबीच अनौपचारिक सहमति भएको थियो । तर, भाषा परिमार्जनका लागि समिति गठन गर्ने कुरा पनि त्यसयता सेलाएर गएको छ ।

गृहकार्यका नाममा अलमल १२ पुसमा बस्ने भनिएको बैठक नै बसेन भने १३ कात्तिकमा प्रधानमन्त्रीनिवास बालुवाटारमा घाम तापेर कांग्रेस, एमाले र एमाओवादीका शीर्ष नेताको बैठक बसे पनि ठोस निर्णय हुन सकेन । त्यस दिन तीन पार्टी र मोर्चासहितको साझा अवधारणा बनाउने सहमति भएको बताइएको थियो । त्यसबारे अहिले पनि गृहकार्य भइरहेको एमाले वरिष्ठ नेता झलनाथ खनालले बताए । उनले भने, ‘अहिले हामी साझा धारणा बनाउने चरणमै छौँ ।’ आजको नयाँ पत्रिका दैनिकमा खबर  रहेकाे छ ।

 

तपाईको प्रतिक्रिया