- अमर काफ्ले

इनरुवा। सप्तकोशी नदीमा पानीको बहाव यस वर्षकै उच्च मापन भएपनि अबको केही घण्टामा भने घट्ने संकेत देखिएको छ । बिहानको तुलनामा कोशीको बहावको मापनमा कमी आएको छ । कोशी ब्यारेजको पछिल्लो मापन अनुसार पानीको बहाव ३ लाख ३५ हजार ४ सय २५ क्यूसेक प्रतिसेकेण्ड छ । ब्यारेजका ४६ ढोका खोलिएका छन् । बराहक्षेत्र र चतरामा हुने मापनमा नदीको बहाव घटेकाले कोशी ब्यारेजमा समेत क्रमशः बहावमा कमी आउने अनुमान गरिएको छ ।

बराहक्षेत्रमा गयराती २ लाख ८५ हजार क्यूसेक सम्म पुगेको बहाव त्यसयता भने घट्दो क्रममा छ । चतरा मापन केन्द्रमा पानीको सतहले सर्तकता लेवल पार गरेको भएपनि अहिले भने मापनमा कमी आएको छ । पछिल्लो मापन अनुसार चतरामा पानीको बहाव ५ दशमलव ८१ मिटरमा छ । चतरामा पानीको सतह ६ मिटर नाघे सर्तकर्ता लेवल मानिन्छ भने ७ मिटरलाई खतरा । चतराको मापन रातीको समयमा सर्तकर्ता तह पार गर्दै ६ दशमलव ८८ मिटरमा पुगेको थियो । जस कारण समेत कोशी ब्यारेजको बहाव उच्च मापनमा देखिएको हो ।

कोशी ब्यारेजमा अहिले पनि पानीको बहाव उच्च छ । ब्यारेजमा गरिने मापनमा पानीको तह डेन्जर जोनमा छ । यद्यपी चतरामा पानी घटेकाले कोशी ब्यारेजमा हुने मापनमा समेत अबको केही घण्टामा कमी आउने अनुमान गरिएको छ । चतरामा मापन गरिएको उच्च बहाव कोशी ब्यारेजमा मापनमा आउन समय लाग्ने भएकाले समेत ब्यारेजको बहावमा उतारचढावको अवस्था रहन्छ । सुनसरी प्रशासनले ब्यारेजमा पानी उच्च रहेपनि चतरामा कमी आएकाले बहाव घट्दै जाने जनाएको छ । प्रमुख जिल्ला अधिकारी फणिन्द्रमणी पोखरेलका अनुसार सम्भावित जोखिमलाई मध्यनजर गर्दै पूर्व तयारी र सावधानी अपनाइएको छ । प्रशासनले स्थानीय तह मार्फत तटीय क्षेत्रका बासिन्दालाई सर्तक रहन सुचित समेत गराएको जनाएको छ । नदीले केही स्थानमा तारजाली बगाउन थालेकाले मर्मतमा जुटेको सुनसरी प्रशासनले जनाएको छ ।

पानीको निकास नहुदाँ इनरुवा बजारको भित्री वस्ति डुवानमा

पानीको निकास नहुदाँ इनरुवा बजारको भित्री वस्ति डुवानमा, वडा अध्यक्ष भने समस्या समाधानको साटो आरोप प्रत्यारोपमा

Gepostet von Inaruwa Online am Montag, 20. Juli 2020





तपाईको प्रतिक्रिया