इनरुवा/आज इनरुवा क्षेत्र भित्रका १ सय जनाको स्वाब संकलन गरिएको छ । स्वाब संकलन गरिएका हरुमा सुनसरी जिल्ला अदालत सहित सरकारी वकिल कार्यालयका केही कर्मचारी, बजार क्षेत्रका स्थानीय सहित नेताहरु रहेका थिए ।

समुदायमा कोरोनाको जोखिम बढेसंगै जिल्लाभर परीक्षणको दायरा बढाइदा पछिल्लो एक सातायता इनरुवा क्षेत्रमा समेत पीसीआर परीक्षणलाई तिव्रता दिइएको छ ।
आज स्वाब संकलन गरिएकाहरुमा अधिकांशजसो इनरुवाका स्थानीय व्यापारी तथा नेतामा कोरोनाको संक्रमण पुष्टि भएपछि उनीसँगको कन्ट्याक ट्रेसिङमा परेका व्यक्तिहरु थिए ।

८० जना संक्रमित सँगको कन्ट्याकको आधारमा स्वाब संकलन गरिएको बुझिएको छ । कोरोना पोजेटिभ पाइएका पुरुष सँगको सम्पर्क भएको भनिएका अझै दर्जन बढीले आफुहरुको समेत परीक्षण गरिनु पर्ने माग गरिरहेको स्वास्थ्य शाखा इनरुवाले जनाएको छ ।बसपार्कमा स्वाब संकलन गर्न पुग्नेहरुमा संक्रमित पुरुषको परिवार सहित जिल्ला तहका मात्रै नभएर प्रदेशमा प्रतिनिधित्व गर्ने र संघीय सांसद समेत रहेका व्यक्ति र उनिहरुको परिवारका सदस्यहरु रहेका थिए ।

बसपार्कमा दुई वटा बुथबाट स्वाब संकलन गरिएको थियो । स्वास्थ्य शाखाका सन्तोष देवका अनुसार संकलित सबै स्वाब परीक्षणकालागि बिराटनगर पठाइएको छ । दुई, तीन दिन भित्रमा रिपोर्ट आउन सक्ने उनले बताए ।इनरुवाका संक्रमित भनिएका नेता नेपाली कांग्रेस आवद्ध व्यक्ति हुन् । उनले आफुमा संक्रमण पुष्टि भए लगत्तै आफ्नो सम्पर्कमा रहेका र आफुले नाम टिपाउन छुटाएका हरुलाई स्वाब परीक्षण गराउन सल्लाह दिएका थिए ।

महाधिवेशन तयारीकालागि अन्य नेताहरुसँगै कोरोनाको संक्रमण पुष्टि भएका औषधी व्यवसायी समेत रहेका योगेन्द्रप्रसाद मेहता कार्यकर्ता प्रशिक्षणका क्रममा विभिन्न वडा तथा गाउँ पुगेकाले समेत उनीसँगको कन्ट्याक ट्रेसिङको नामावली लामो देखिएको छ । सोही आधारमा बसपार्कमा स्वाब दिन पुग्नेहरुमा विभिन्न ओहदाका नेता तथा कार्यकर्ताहरुको बाक्लो उपस्थिती रहेको थियो ।

लक डाउनमा बजार पसल खाेले बल प्रयाेग गरिने

लक डाउनमा बजार पसल खाेले बल प्रयाेग गरिने

Gepostet von Inaruwa Online am Dienstag, 4. August 2020

इनरुवामा लकडाउन कडा गरिने, भगवति माविको क्वारेन्टाईन बन्द

इनरुवामा लकडाउन कडा गरिने, भगवति माविको क्वारेन्टाईन बन्द

Gepostet von Inaruwa Online am Montag, 3. August 2020

पानीको निकास नहुदाँ इनरुवा बजारको भित्री वस्ति डुवानमा

पानीको निकास नहुदाँ इनरुवा बजारको भित्री वस्ति डुवानमा

Gepostet von Inaruwa Online am Montag, 20. Juli 2020

तपाईको प्रतिक्रिया