सुनसरी। सूचना तथा संचार मन्त्री ज्ञानेन्द्र बहादुर कार्कीले प्रदेश एकका सांसदलाई पार्टी निर्णय विपरित नजान निर्देशन दिएका छन । उनले प्रदेश सभामा काँग्रेसबाट प्रतिनिधित्व गर्ने सांसदहरुलाई पार्टी निर्णयको अक्षरस पालना गर्न निर्देशन दिएका हुन ।

मंत्री कार्कीले प्रदेश एक सरकारको प्रतिनिधित्वको विषयलाई लिएर केहि काँग्रेस नेता कार्यकर्ता ट्रयाक बाहिर जान खोजेको भन्दै त्यसो गरिए पार्टी हित विपरित ठहरिने बताए । प्रदेश एकको सरकार नेकपा एसको नेतृत्वमा बन्ने बताएका मन्त्री कार्कीले गठबन्धनको निर्णय बमोजिम मूख्यमन्त्री चयन हुने बताए । कार्कीले नेपाली काँग्रेस गठबन्धनको निर्णय बमोजिम अघि बढ्ने भएकाले प्रदेश एकमा राजेन्द्र राईको नेतृत्वमै सरकार बन्ने बताए । कार्कीले केन्द्रमा बनेको गठबन्धनको निर्णयलाई अक्षरस लागु गर्न काँग्रेस लागिपर्ने बताए । सोही अनुरुप कार्कीले प्रदेश सांसदहरुलाई गठबन्धनको निर्णय बमोजिम अघि बढ्ने भूमिका खेल्न निर्दशन दिए ।

तपाईको प्रतिक्रिया