इनरुवा । नेपाल वैश्य युवा संघले बिहिवार प्रधानमन्त्रीलाई ज्ञापनपत्र बुझाउँदै सोमवार रामलखन जयसवालको कारागारमा मृत्युको बिषयमा छानबिन गर्नुपर्ने माग गरेको छ । रुपन्देही जिल्लाको सिद्धार्थ नगरपालिका ५ मा स्थायी घर भई तत्कालिन वडा अध्यक्ष समेत रहेको ब्यक्तिलाई बिभिन्न आरोपमा ज्यान मुद्दा लगाई आठ वर्षदेखी केन्द्रिय कारागारमा रहेको र यहि असोज २२ गते म्याद सकिने बेला आएकोमा एकाएक असोज ३ गते बिरामी भएको भन्दै अस्पताल लगेको र शंकास्पद मृत्यु भएको भन्दै निष्पक्ष छानबिन गरी दोषी उपर कार्वाही गर्नुपर्ने संघले माग गरेको छ ।

यता सुनसरीको प्रमुख जिल्ला अधिकारी मार्फत प्रधानमन्त्री कार्यालयलाई ज्ञापन पत्र बुझाउँदै जयसवाल मृत्यु प्रकरणको स्वतन्त्र निष्पक्ष न्यायिक समिति गठन गरी सत्य तथ्यको छानबिन गरी दोषीलाई हदैसम्मको कार्वाही गर्नुपर्ने माग गरिएको छ । संघका राष्ट्रिय अध्यक्ष दिलिपचन्द साहुले असोज २२ गते कारागार मुक्त हुने बेलामा जसवाललाई नियोजित रुपमा मारेको भन्दैं छानबिन र दोषी माथि कार्वाही नभए आन्दोलन गर्ने चेतावनी समेत दिएका छन् ।

तपाईको प्रतिक्रिया