- दिलिप कुमार साह

राजविराज । सप्तरीको गजेन्द्र नारायण सिंह अस्पताल राजविराजमा कार्यरत एक पुरुष कर्मचारीको कोरोना संक्रमणबाट बुधबार बिहान मृत्यु भएको छ । अस्पतालको फर्मासिस्ट पदमा कार्यरत राजविराज नगरपालिका २ निवासी २८ वर्षीय पुरुष कर्मचारीको मृत्यु भएको हो । अस्पतालले सञ्चालन गरेको साईकृष्ण मेडिकल भवनको आइसोलेसन केन्द्रमा मृत्यु भएको गजेन्द्र नारायण सिंह अस्पतालका निमित मेडिकल सुपरिटेन्डेन्ड डा. रणजीतकुमार झाले जानकारी दिए ।

उनमा गत १५ गते कोरोना संक्रमण पुष्टि भएको थियो । कोरोनाको कुनै किसिमको लक्षण नदेखिएको मेसु डा. झाले भने, बिहान सामान्य अवस्थामा चिया नस्ता गरेर उनको अचानक मृत्यु भएको छ । राजविराज आइसोलेनमा हालसम्म भर्ना भएकामध्ये केन्द्रमै पहिलो मृत्यु भएको मेसु झाले शबको व्यवस्थापनको लागि आवश्यक तयारी भइरहेको बताए ।



तपाईको प्रतिक्रिया