काठमाडौँ । एसीसी महिला एसिया कप क्रिकेटमा नेपालले आज आफ्नो दोस्रो खेलमा पाकिस्तानको सामना गर्दैछ । नेपाल र पाकिस्तानबिचको खेल आज साँझ ७ः१५ बजे सुरु हुनेछ ।
बलियो प्रतिद्वन्द्वी मानिएको पाकिस्तान संग नेपालको प्रतिस्पर्धा श्रीलङ्काको डम्बुला मैदानमा हुनेछ।
नेपालले पहिलो खेल युएई संग खेलेको थियो। उक्त खेलमा युएईलाई ६ विकेटले नेपालले हराएको थियो।
आजै हुने समूह ‘ए’ को अर्को खेलमा युएईले भारतको सामना गर्दै छ ।
भारत लगातार जित निकाल्दै अघिल्लो चरणको ढोका खोल्न चाहन्छ भने युएई पहिलो जितको खोजीमा हुनेछ । यो खेल आज दिउँसो २ः१५ बजे सुरु हुनेछ ।
दुई समूहमा विभाजन गरिएको प्रतियोगितामा नेपाल समूह ‘ए’ मा छ । प्रतियोगितामा आठ टोली सहभागी छन् ।
