फिल्म ‘गुम्राह’ को ट्रेलर सार्वजनिक

एजेन्सी । भारतीय अभिनेता आदित्य रोय कपुर र अभिनेत्री मृणाल ठाकुर अभिनित फिल्म ‘गुम्राह’ को ट्रेलर सार्वजनिक भएको छ । २ मिनेट २३ सेकेण्डको ट्रेलरमा मृणालको संवाद ‘स्पेक्टर इज अ स्मार्ट क्रिमिनल’ बाट सुरु हुन्छ ।फिल्ममा रोनित रोय र मृणाल प्रहरी अफिसरको भूमिकामा देखिएका छन् । त्यस्तै, फिल्ममा आदित्य दोहोरो भूमिकामा देखिने छन् ।फिल्मको ट्रेलरमा कसैको निर्ममतापूर्वक हत्या गरेको देखिन्छ । यस हत्यालाई जोगाउन प्रहरीलाई भ्रममा पारिएको छ ।समग्रमा फिल्मको ट्रेलर थ्रिल र सस्पेन्सले भरिएको छ । वर्धन केतकरद्वारा निर्देशित यो फिल्म ७ अप्रिल २०२३ बाट हलहरुमा प्रदर्शन हुनेछ ।