यूनिभर्सको उपाधि फिलिपिन्सकी पिया अलोन्जो उर्जबाले जितेकी छिन् । लस भेगासमा आइतबार सम्पन्न प्रतियोगितामा स्टिभ हार्भेले विजेता घोषणा गर्ने बेलामा गलत नाम लिएपछि ‘मिस यूनिभर्स’को घोषणा नाटकिय ढंगले भयो र मिस कोलम्बियाले लगाएको मिस युनिभर्सको ताज एक मिनेट मै खोसियो। ‘मिस फिलिपिन्स’ पिया एलोन्जोलाई फस्ट रनरअप घोषणा गर्दै कोलम्बियाकी सुन्दरीलाई उद्घोषकले नयाँ ‘मिस यूनिभर्स’ घोषणा गरे ।
मिस यूएसए, मिस कोलम्बिया र मिस फिलिपिन्स उत्कृष्ट ३ मा थिए । तर, उद्घोषक स्टिभले आफूबाट गल्ती भएको भन्दै ‘मिस यूनिभर्स’को ताज कोलम्यिबाकी सुन्दरीले नभई फिलिपिन्सकी सुन्दरीले जितेको घोषणा गरे । यसपछि मिस फिलिपिन्स स्टेजमा आइन् र मिस कोलम्बियाकी सुन्दरीले लगाएको ताज उनलाई लगाइयो । कुल ८० देशका प्रतियोगीले मिस यूनिभर्स, २०१५को ताजको लागि प्रतिष्पर्दा गरेका थिए। सो प्रतियोगितामा अमेरिकाले भने सेकेन्ड रनर अपमा चित्त बुझाए।
भिडियोको लागि क्लिक गर्नुहोस
