पुष २।शुक्रबार देखी व्रल्ड वाईड रिलिज हुने शाहरुख खान स्टार फिल्म ‘दिलवाले’लाई नेपालको चर्चित बितरक कम्पनी दर्शना आर्टसले अहिले सम्मकै सर्बाधिक बढी रकममा नेपाल प्रदर्शन अधिकार किनेको छ । बिषेश गरी हिन्दी फिल्म बितरणमा सक्रिय रहेको दर्शनाले शाहरुख खानको यस फिल्मलाई बिषेश फिल्मका रुपमा लिएको छ ।सुरुमा हिन्दी फिल्म मात्रै बितरण गर्दै आएको दर्शनाले केहि समय अघि देखि नेपाली फिल्म समेत बिरण गर्दै आएको छ । विश्बमा नै बहुप्रतिक्षित मानिएको शाहरुखको ‘दिलवाले’लाई हाई बजेटमा किनेर पनि नाफा कमाउनेमा बितरक कम्पनी ढुक्क छ । शाहरुखकै कारण महङगो मुल्यमा फिल्म किनेको दर्शनकाका प्रबन्ध निर्देशक गोबिन्द सापकोटाले बताए । उनका अनुसार बलिउड स्टार शाहरुखले ‘दिलवाले’ र ‘नेपाल प्रदर्शन’का बारे आज साँझ सम्ममा सामाजिक संजाल ट्विटर बाट सम्बोधन गर्ने कार्यक्रम रहेको पनि जानकारी गराए । जसका लागि दर्शना आर्टसका प्रमुख दिपक अधिकारी शाहरुखलाई भेट्ने तयारीमा बम्बईमा छन् । रेड चिल्लीजको ब्यानरमा रोहित शेट्टी निर्देशित यस फिल्ममा शाहरुखका साथमा काजोल,बरुण धावन र कृति सनन मुख्य भुमिकामा छन् । ‘दिल वाले’ संग कुनै पनि नेपाली फिल्मको प्रदर्शन मिति तय छैन । यस कारण ‘दिलवाले’ले नेपाल बाट ठुलो रकम कमाउने पक्का छ । फिल्म काठमाण्डौमा २१ पर्दा र बाहिर ९० बन्दा बढी सिनेमा घरमा प्रदर्शनमा आउने भएको छ ।
