विराटनगर, असार १५ / मंगलबार दिउँसो मोरङको मोतीपुरस्थित स्वास्थ्य चौकी पुग्दा एक जना महिला कर्मचारी कार्यालयमै सुतिरहेकी थिइन्। उत्तरतर्फ सिरानी लगाएर बेन्चमा पल्टिएकी उनी घुर्दै थिइन्। स्वास्थ्य चौकीमा को आयो र गयो भन्ने हेक्का उनलाई थिएन। चौकीको मुख्य द्वारछेउमा बेन्च राखिएको थियो। मास्तिर सिलिङ पंखा घुमिरहेको थियो। उनी भने सलले अनुहार छोपेर मस्त निदाएकी थिइन्।
कार्यालयमा कोही प्रवेश गरेको देखेपछि गाविस कार्यालयमा गफिँदै गरेका स्वासथ्य चौकीका हेल्थ असिस्टेन्ट मातृका उप्रेती आए। महिला कर्मचारी अनिता माझीलाई उठाए। उठिसकेपछि पनि माझी केहीबेर उङ्दै बेन्चमै बसिरहिन्। उप्रेतीले झपारेपछि भने उनी मुख धुन गाविस कार्यालयको धारातिर लागिन्। उप्रेतीले इशारा गर्दै उनलाई कार्यालयमै रहन निर्देशन दिएका थिए। अाजकाे अन्नपूर्ण पोस्टमा खबर रहेकाे छ।
