https://www.facebook.com/112654112466256/photos/pcb.749659202099074/749658665432461/?type=3&theater
निर्माण सम्झौता बमोजिमको काम नभएको भन्दै नगरवासी पक्ष र विपक्षमा उभिन थालेपछि सुनसरीको इनरुवा नगरपालिकामा निर्माणाधिन सडकको विषय पेचिलो बन्दै गएको छ । कालोपत्रेकालागि सम्झौता भएको सडक अधुरो अवस्थामा रहने भन्दै स्थानीयले मापदड अनुरुपको सडक निर्माण गरिनुपर्ने अडान राखेका छन् ।
निर्माण कम्पनी र नगरपालिका विरुद्ध स्थानीयले आन्दोलन छेड्ने चेतावनी दिइरहँदा नगरपालिकाको कार्यालय भने समस्याको समाधान खोज्न तर्फ लागिपरेको छ । सडक निर्माणको विषय बेलैमा टुङग्याउन नसके नगरवासी र नगरपालिकाको कार्यालयबीच कटुतापूर्ण अवस्थाको सृजना हुन सक्ने स्थानीयहरु बताउँछन् । स्मार्ट सिटी परियोजना अन्र्तगत ठेक्का सम्झौता भएको सडक निर्माणको कार्य बिचमै अलपत्र पर्ने अवस्था सृजना भएको भन्दै नगरवासीले असन्तुष्टि जनाएका हुन् ।
https://www.facebook.com/112654112466256/photos/pcb.749659202099074/749658695432458/?type=3&theater
सोही बिषयलाई लिएर सृजना हुने पुगेको अन्यौलतालाई चिर्न इनरुवा नगरपालिकाको कार्यालय लागिपरेको छ । जसकालागि समस्याको बेलैमा निदान खोज्नु चुनौतिका रुपमा देखा परेको छ । सडक निर्माणको कार्य प्रति स्वयं स्थानीय वडाध्यक्षहरु समेत असन्तुष्ट बनेका छन् । नगरवासीहरु समेत नगरपालिका र निर्माण कम्पनीको रवैया प्रति रुष्ट देखिएका छन् । वडा नम्वर ३ का वडाध्यक्ष कालुराम गुङग सहितका स्थानीयले त नगर प्रमुखको ध्यानाकर्षण सहित रमण कन्ट्रक्सन प्रालि उपर कार्वाहीको माग सहित जिल्ला प्रशासन कार्यालय सुनसरीमा उजुरी समेत दिइसकेका छन् ।
https://www.facebook.com/112654112466256/photos/pcb.749659202099074/749658692099125/?type=3&theater
सम्झौता अनुसार कन्ट्रक्सनले सखुवागाछी चौकदेखि साविक इनरुवा ७ कुसुमगाछी दक्षिणतर्फको जिल्ला शिक्षा कार्यालयको भवन देखी उत्तरमा रहेको कलभर्ट सम्म पूर्वाधारयुक्त ५२ फिट सडक बनाउन १७ करोडमा ठेक्का पाएको थियो । इस्टिमेट भन्दा बाहिर गरी एकतर्फी खण्डमा ७० फिटमा संरचना निर्माण गरिएपछि सम्झौता बमोजिमको सडक निर्माणको कार्य अधुरो रहने भन्दै स्थानीयको असन्तुष्टि चुलिएको हो । ५२ फिटमा गर्नुपर्ने काम ७० फिटमा गरिएपछि तत्कालकालागि सडक १३ सय मिटर अर्थात बढीमा जिल्ला समन्वय समितिको कार्यालय सम्म मात्र बन्ने हल्ला फिंजिएको छ । पूनः मूल्यांकन भएको खण्डमा केहि मिटर सडक लम्बिने सम्भावना रहेपनि नगरवासी भने पूर्ण रुपमा विस्तस्त हुने अवस्था नरहेको बताउँछन् । तोकिएकै मापदण्डमा सडक बन्नु पर्ने अडान लिएका स्थानीयहरुले नगरपालिकामा दबाब सृजना गरिरहेका छन् ।
https://www.facebook.com/112654112466256/photos/pcb.749659202099074/749658732099121/?type=3&theater
सम्झौता बमोजिमको काम नभएपछि सिङगो बजार हुँदै सखुवागाछी सम्मको सडक लथालिङग रहने भन्दै तोकिए बमोजिमको काम हुनुपर्ने माग सहित स्थानीयले दवाब दिइरहेका छन् । उनिहरुले समयमै टेण्डर बमोजिमको सबै खण्डमा काम हुनु पर्ने अडान राखेका छन् ।
कार्यापालिका सदस्य समेत रहेका कैलाश पञ्चारियाले सडक निर्माणका विषयमा देखिएको असमञ्जस्यताको अवस्था निराकरण हुने सम्भावना बढेको बताए । सरोकारवालासँगको छलफल सकारात्मक रुपमा अघि बढेपनि निर्माण चरणको काम अघि नबढुनजेल विश्वास भने गरीहाल्न नसकिने बताउँछन् । यद्यपी नगरपालिकाको कार्यालयले भने बन्नु पर्ने सडकको सबैभाग समयमै सम्पन्न हुने दाबी गरिरहेको छ । सरोकारवालासँगको छलफल र पहलकदमी चलिरहेको बताउने नगरपालिकाको कार्यालय काम समयमै सम्पन्न हुनेमा विश्वस्त रहेको बताउँछ ।
https://www.facebook.com/112654112466256/photos/pcb.749659202099074/749658815432446/?type=3&theater
छलफल र पहल सराकात्मक रुपले अघि बढेको बताउने इनरुवा नगरपालिकाका प्रमुख राजन मेहताले तत्कालिन समयमा बिभागका डी सहित मन्त्रालयका सचिवको आश्वासनमा काम थालिएको बताए । नगर प्रमुख मेहताले निर्माण कम्पनीको लापरवाहीका कारण जनमानसमा नकारात्मक सन्देश फैलिन गएको बताए । हाल जारी रहेको काम बढीमा दुई हप्तामा सकिने बताएका मेहताले केहीदिन भित्रबाट त्यसभन्दा अगाडी बजार तर्फ अघि बढ्ने सडकको काम समेत थालिने बताए । सडकको विषयमा सरोकारावालासँग भएको छलफल समेत सकारात्मक भएकाले शंका नगर्न उनले नगरवासीमा आग्रह गरेका छन् । यद्यपी मेयरको विषयमा बोलीमा नभई काममा मात्र विश्वास गरिने असन्तुष्ट नगरवासीहरुको भनाई छ ।
सम्झौता बमोजिमको सडक नबनाइदा नगरवासीमा आक्रोस पैदा हुनु स्वभाविक नै हो । जसलाई नगरपालिकाको कार्यालय र निर्वाचित जनप्रतिनिधिहरुले उचित सम्बोधन गर्न सक्नु पर्दछ । स्थानीयको विश्वास जितेर बिकास निर्माणको कार्य अघि बढाउन सके समृद्ध नगरको सपना साकार तुल्याउने कदममा इनरुवा नगरपालिकाका लागि पक्कै इटा थप्ने काम हुने थियो ।
https://www.facebook.com/112654112466256/photos/pcb.749659202099074/749658795432448/?type=3&theater
