काठमाडौँ। पोखरामा भएको स्कुल बस दुर्घटनामा २ जनाको मृत्यु र २८ जना घाइते भएका छन्। मृत्यु हुनेमा विद्यालयकी कार्यालय सहयोगी आरती बिक र उनका यूकेजीमा अध्ययनरत ५ वर्षीय छोरा प्रिन्स विक रहेको छ। मृत्यु हुने दुवै जना आमाछोरा रहेको बुझिएको छ।
विद्यार्थी लिएर पोखरा–१७ विरौटामा रहेको एलपी देवकोटा मेमोरियल स्कूलतर्फ फर्किँदै गरेको ग१क ६२१९ नम्बरको स्कुल बस दुर्घटना हुँदा २८ जना घाइते भएको छन् ।
यसअघि २२ जना घाइते भएको जनाइएको थियो ।
घाइतेको गण्डकी मेडिकल कलेज, मणिपाल शिक्षण अस्पताल र पोखरा स्वास्थ्य विज्ञान प्रतिष्ठानमा उपचार भइरहेको छ ।
पोखरा महानगरपालिका–२१ छरछरे कृस्तीमा स्कुल बस दुर्घटना हुदा बस घुम्तीबाट झन्डै ५० मिटर तल खसेको थियो।
