इनरुवा। सुनसरीको इनरुवामा नेपाल निजामती कर्मचारी संगठन जिल्ला कार्यसमिति द्वारा रक्तदान कार्यक्रम सम्पन्न गरेको छ ।
राष्ट्रियसेवक भवनमा मंगलबार विहान ७:३० बजे रक्तदान कार्यक्रम सुरु भएको हो।
सहिद मनोज, भुपेन्द्र, सुरेन्द्र स्मृति दिवसको सन्दर्भमा रक्तदान कार्यक्रम सम्पन्न गरिएको नेपाल निजामती कर्मचारी संगठनका सुनसरी जिल्ला अध्यक्ष चिनेश्वर मेहताले जानकारी दिनु भएको छ।
नेपाल रेड्क्रस सोसाइटी विराटनगरको समन्वयमा रक्तदान कार्यक्रम सम्पन्न भएको हो।
आयोजित रक्तदान कार्यक्रममा १ सय ८ पिन्ट रगत संकलन भएको नेपाल रेडक्रस सोसाइटीले जानकारी दिएको छ।
