इटहरी। शुक्रवार दिउँसो इटहरीको मुख्य चौकमा ट्रकले ठक्कर दिँदा साइकल यात्रीको घटनास्थलमै मृत्यु भएको छ ।
इटहरीको मुख्य चौकमा अन्दाजी ४० वर्षीय पुरुषको ट्रकले ठक्कर दिँदा मृत्यु भएको हो ।
मृतक व्यक्तिको पहिचान हाल सम्म नखुलेको इलाका प्रहरी कार्यालय इटहरीले जनाएको छ।
इटहरीको मुख्य चौकबाट विराटनगर जाने मोडमा साइकल यात्रीलाई प्रदेश १–०२–००१ ख ९२९४ नम्बरको ट्रकले ठक्कर दिएको प्रहरीले जनाएको छ ।
पूर्वबाट पश्चिमतर्फ जाँदै गरेको साइकललाई सोही दिशाबाट जाँदै गरेको ट्रकले पछाडिबाट ठक्कर दिदा साइकल सवार यात्रुको मृत्यु भएको हो।
ट्रक र चालकलाई प्रहरीले नियन्त्रणमा लिसकेको र घटनाबारे प्रारम्भिक अनुसन्धान सुरु गरिसकेको प्रहरीले जनाएको छ।
