इनरुवा– यस वर्षको विजया दशमी २०८२ का अवसरमा सुनसरी जिल्ला अदालतले न्यायिक सेवामा कुनै पनि अवरोध नहोस् भन्ने उद्देश्यले विशेष व्यवस्था गर्ने निर्णय गरेको छ। अदालतका अनुसार असोज ६ गतेदेखि असोज २० गतेसम्मको अवधि भरि न्यायिक कार्यहरु नियमित रुपमा सञ्चालन गरिनेछ।
अदालतका उप–सचिव टिकेन्द्रवीर जङ्ग राणाले जानकारी गराउँदै बताए, “यस पटकको दशैंमा सार्वजनिक चाडको अवसरमा अदालत पूर्ण रूपमा बन्द हुँदा थुनुवामा रहेका अभियुक्तहरूको कानूनी अधिकार प्रभावित हुन सक्छ। यसैले हामीले विशेष व्यवस्था गर्नुपर्यो।”
अदालतले स्पष्ट पारेको छ कि असोज ६ देखि असोज २० सम्म मुलुकी फौजदारी कार्यविधि संहिता, २०७४ को दफा ९ बमोजिम आवश्यक कानूनी प्रक्रिया जारी रहनेछ। यस अवधिमा शनिबार र दशैंका महत्वपूर्ण दिनहरू बाहेक अन्य हरेक दिन अदालत बिहान ११:०० देखि दिउँसो ३:०० बजेसम्म सञ्चालन हुनेछ।
यस विशेष व्यवस्था अन्तर्गत, अदालतले पक्राउ पूर्जि जारी गर्ने, त्यसको अनुमती प्रदान गर्ने र गैरकानुनी थुनामा रहेका बन्दी प्रत्यक्षीकरण जस्ता कार्यहरू निरन्तरता दिनेछ। राणाका अनुसार, “यो निर्णयले न्यायको पहुँच सुनिश्चित गर्दै थुनुवाहरूको हकहितलाई संरक्षण गर्नेछ।”
सुनसरी जिल्ला अदालतको यो पहल, न्यायिक सेवामा चाडपर्वका बेला पनि निरन्तरता दिने प्रयासको एक महत्वूपर्ण उदाहरण हो। यसअघि पनि नेपालका विभिन्न जिल्ला अदालतहरूले यस्तै विशेष व्यवस्थाहरू अपनाउँदै आएका छन् जुन चाडपर्वका समयमा न्यायिक सेवामा कुनै पनि बाधा नपरोस्।
अदालतको यस विशेष कदमले चाडपर्वमा न्यायिक कार्यहरूमा अवरोध नगरी, नागरिकलाई राहत प्रदान गर्दै थुनुवाहरूको कानूनी अधिकारलाई संरक्षण गर्ने उद्देश्य लिएको छ। चाडपर्वको महत्त्वलाई ध्यानमा राख्दै, अदालतले सार्वजनिक सूचना जारी गर्दै यस समयमा सेवा आवश्यक पर्ने पक्षलाई उपस्थित हुन आग्रह गरेको छ।
