इटहरीमा घरेलु विवादले ज्यान गयो

इनरुवा। भोजपुर दिङला नगरपालिका–०८ की ५६ वर्षीया पविमाया वयलकोटीको घरेलु विवादका क्रममा ज्यान गएको छ। इटहरी उप–महानगरपालिका–०९ बीपी चोकमा छोरी–ज्वाइँको डेरामा बस्दै आएकी वयलकोटीमाथि ज्वाइँ गणेश साह गुप्ताले ट्युवेलको ह्यान्डलले प्रहार गर्दा गम्भीर घाइते भएकी थिइन्।

उपचारका क्रममा विराट मेडिकल कलेज शिक्षण अस्पताल बुढीगंगामा उनको मृत्यु भएको प्रहरीले जनाएको छ। घटनापछि फरार रहेका ४० वर्षीय गणेश साह गुप्तालाई प्रहरीले इटहरी–०९ विराटनगर लाइनबाट नियन्त्रणमा लिई थप अनुसन्धान भइरहेको छ।