इनरुवा नगरपालिका वडा नं. २ स्थित हेरा नेशनल स्कुल छेउबाट जिल्ला प्रहरी कार्यालय सुनसरीको टोलीले भन्सार छलीका लत्ताकपडासहित एउटा मोटरसाईकल बरामद गरेको छ।
बिहिबार बिहान करिब ८ बजे बबियाबाट इनरुवा तर्फ आउँदै गरेको १५ प ३११० नम्बरको मोटरसाईकलका चालकले खटिएको प्रहरी टोलीलाई देख्नासाथ मोटरसाईकल छाडेर भागेका थिए। मोटरसाईकलमा ल्याइएको लत्ताकपडाको अन्दाजी मूल्य रू. १,५९,०००/- रहेको प्रहरीले जनाएको छ।
बरामद भएको लत्ताकपडासहितको मोटरसाईकल आवश्यक कारबाहीका लागि जिल्ला प्रहरी कार्यालय सुनसरीमा राखिएको छ। फरार चालकको पहिचान तथा खोजतलासको कार्य भइरहेको प्रहरीले जानकारी दिएको छ।
