इनरूवामा पूनः लक डाउन, अटेर गर्नेलाई क्वारेन्टाइनमा राखिने (भिडियो रिपोर्ट)

सुनसरी प्रशासनमा बसेको सरोकारवालाको बैठकले मूख्य गरी बजार क्षेत्र सहित इनरुवाका सबै वडाबाट नमूनाका रुपमा छनौट गरी पिसिआर परिक्षण गर्ने समेत निर्णय गरेको छ ।तत्कालका लागि भने भोलि गरिने पिसिआरको रिपोर्ट नआएसम्म इनरुवा बजारका सबै व्यापार व्यवसाय, बैंक तथा वित्तिय संस्था र सरकारी कार्यालय समेत बन्द गर्ने निर्णय गरिएको सुनसरी प्रशासनले जनाएको छ ।

बैठकमा सहभागि नगर प्रमुख राजन मेहताले सम्भावित जोखिमलाई मध्यनजर गर्दै पूर्व तयारी र सावधानी स्वरुप अर्को निर्णय नभए सम्म पूर्ण लक डाउनमा जाने निर्णय गरिएको बताए । उनले लक डाउनको पालना गर्न नगरवासी समक्ष आग्रह समेत गरेका छन् ।