बेतना खोलामा माछा मार्न खोज्दा करेन्ट लागेर मृत्यु

२२ माघ, मोरङ। मोरङको बेलबारीमा खोलामा करेन्ट लगाएर माछा मार्नेक्रममा आफैलाई करेन्ट लाग्दा शनिबार एक युवकको ज्यान गएको छ।

मृत्यु हुनेमा बेलबारी नगरपालिका ३ बस्ने ३८ वर्षिय मणिकुमार तामाङ रहेको इलाका प्रहरी कार्यालय बेलबारीले जनाएको छ। शनिबार दिउँसो १ बजे स्थानीय बेतना खोलामा करेण्ट लगाई माछा मार्न खोज्दा आफैलाई करेन्ट लाग्दा तामाङ घाइते भएका थिए। उनको विपी कोइराला स्वास्थ्य बिज्ञान प्रतिष्ठान धरानमा उपचरका क्रममा दिउँसो २ बजे मृत्यु भएको हो।