युट्यूब निकै नै लोकप्रिय भिडियो शेयरिङ साईट हो । इन्टरनेटमा भिडियो शेयरका लागि युट्यूब सबैभन्दा उपर्युक्त विकल्पको रुपमा रहेको छ । त्यसैले पनि युट्यूबको प्रयोग दिनप्रतिदित बढिरहेको छ ।
कम्यप्युटरमा मात्रै नभएर मोबाइल, ट्याबलेट लगायतमा पनि युट्युब भिडियो हेर्ने गरिन्छ । आज हामीले युट्युबको प्रयोगलाई निकै सहयोग पुर्याउने ‘सर्टकट की’हरुको बारेमा जानकारी दिँदैछौं ।
- भिडियोलाई ‘पज’ केही बेरका लागि रोक्नुपर्यो भने ‘K’ थिच्नुस् ।
- यदि एक्कासी युट्यूब भिडियोको साउण्ड म्यूट गर्नुपर्यो भने स्पीकर तथा साउण्ड टूल खोजिराख्ने झन्जट किन ‘M’ बटन दबाउनुस्, आफैं साउण्ड म्यूट हुनेछ ।
- भिडियोलाई फूल स्क्रिन गर्नुपरेमा ‘F’ थिच्नुस् । कम्प्युटरमा युट्यूब भिडियो हेर्दै हुनुहुन्छ भने ‘F11’ पनि यसको विकल्प हो ।
- तपाईंले हेरिरहेको भिडियो ५ सेकेण्डका लागि रिवाइन्ड गर्नुपरेमा ‘J’ बटन दबाउनुस् । यदि भिडियोलाई १० सेकेण्ड अघि बढाउन चाहनुभयो भने ‘L’ बटनको प्रयोग गर्नुस् ।
- यदि भिडियो थोरै अघि वा पछि सार्नु परेमा राईट तथा लेफ्ट एरो थिच्न सक्नुहुन्छ ।
- भिडियोलाई फेरि हेर्नुपरेमा ‘O’ दबाउनुस् ।
- यदि भिडियोलाई १० वटा हिँस्सामा बराबर बाँढेर हेर्नुपरेमा ‘0 देखि 9’ सम्मको जुनसुकै की थिच्न सक्नुहुन्छ । यस्तो गर्दा १ थिच्नु भयो भने १० भाग मध्येको पहिलो भाग प्ले हुन्छ भने ९ थिच्दा अन्तिम भाग । 0 थिच्दा भने सुरुबाट प्ले हुन्छ ।
यी कमाण्डहरुले मात्रै युट्यूबमा काम गर्छ । अन्य भिडियो फर्म्याटमा यसको प्रयोग गर्न सकिन्न ।
– बीबीसी हिन्दीबाट
