७ असोज, धरान । नजिकिदै गरेको चाडपर्वको अवसर पारी मोवाइल सेवा प्रदायक कम्पनी एनसेलले आयोजना गरेको एनसेल मेला २०७३ धरान आईपुगेको छ । आफ्ना ग्राहक तथा शुभचिन्तकहरुसँग खुशीयाली साट्न र चाडपर्वको शुभकामना आदान प्रदान गर्न एनसेलले बिहीबार पब्लिक हाई स्कुल मैदान, धरानमा यो मेला आयोजना गरेकाे हाे ।
नारायणगढ, पोखरा र बुटबलमा दर्शक तथा आगन्तुकहरुलाई भरपुर मनोरन्जन प्रदान गर्दै मन जित्न सफल यो मेलाले धरानका दर्शकहरुलाई पनि उतिकै रोचक र गीत संगीतमय बनाएकाे थियाे । बिहान ११ बजेदेखी सुरू भएकाे मेलामा धरान र अासपासबाट हजाराैकाे संख्यामा उत्सहाजनक उपस्थिती देखिएकाे थियाे ।
कलाकारहरूकाे बेजाेड प्रस्तुतीसंगै धरान र धानेहरूपनि कम्मर मर्कार्इ मर्काइ नाचेका थिए भने अावाज देउ शिर्षककाे गितमा मिलन अामात्यकाे प्रस्तुती दिइरहदा वान्समाेर र सिठीकाे गुञ्जाहट बजेकाे थियाे । त्यसैगरी चर्चित गायक सुगम पाेख्रेलले नजिकिदै अाएकाे बिजया दशमीकाे झल्काे दिनेगरी गित गाएपछि दर्शकहरूले स्टेज नै थर्कने गरी हुटिङ प्रदान गरेका थिए ।
त्यस्तै साेही मेलामा चर्चित हास्य कलाकार सन्दिप क्षेत्रीले पनि मुलुककाे राजनीति अवस्था र समसामयिक बिषयमा मार्मिक ब्यङग्य प्र गरेपछि उपस्थित दर्शकहरूमाझ एकाएक हासाे फाेरा उठेकाे थियाे । त्यसैगरी चर्चित कलाकारहरु तथा संगीतिक समुहको प्रस्तुतीहरु, कमेडी, जादु, गेम स्टलहरु, किडस् जोन र फुड स्टलहरु समेत साे मेलामा रहेका थिए ।
मेलामा लाखे नाच, दशैं पिंग, चंगा चेट प्रतियोगिता र मगसट फोटो बुथ आदी पनि समावेश गरिएकाे थियाे भने नेपाली, ईण्डियन र चाईनिज परिकारका स्टलहरु पनि रहेका थिए ।
धरान पश्चात एनसेल मेला अब असोज ८ गते बिर्तामोडमा पुगेर आयोजना पश्चात समापन हुनेछ । “तीन शहरहरुमा भव्य आयोजना पश्चात पुर्वमा नजिकिदै गरेको चाडपर्वको अवसरमा आफ्नो ग्राहकहरुसँग शुभकामना आदानप्रदान गर्न र खुसीयाली साट्न यो मेला आयोजना गरीएकाे एनसेलका कर्पोरेट संवाद विज्ञ मिलन शर्माले बताउनुभयाे ।
