चीनमा रोबोटिक कुकुरको विकास

विराटनगर। चीनले रोबोटिक कुकुरको विकास गरेको छ। रोबोटिक कुकुर १० सेकेन्डमा १०० मिटर वा प्रतिघण्टा ३६ किलोमिटर दौडन सक्ने जनाइएको छ। ३८ किलो वजन र ६३ सेन्टिमिटर अग्लो रोबोट झेजियांग विश्वविद्यालयमा विकास गरिएको हो ।

रोबोटको शक्ति, लचिलोपन र तरलता सुधार गर्न ब्ल्याक प्यान्थर र जरबोस, हपिङ डेजर्ट मुसा जस्ता जनावरहरूको डिजाइनबाट विकास गरिएको हो । रोबोटले हालसालै १०.४ मिटर प्रति सेकेन्डको ट्रेडमिल परीक्षण पूरा गरेको छ । तर अनुसन्धानकर्ताहरूले अझ तिब्र गतिमा अगाडि बढाउने आशा गरेका छन्। गत वर्षको चिनियाँ ह्युमनोइड रोबोट उद्योग सम्मेलनको प्रतिवेदन अनुसार सन् २०३० सम्ममा देशको मानवीय रोबोटको बजार १६ अर्ब अमेरिकी डलरभन्दा बढी हुने अनुमान गरिएको छ।